الصح والخطأ

موضوع: الصح والخطأ الجمعة يونيو 13, 2008 12:15 pm

هناك سلوكيات خاطئة كثيرة في مجتمعنا فحبيت أن أوضح لكم الخطأ

... وأحاول أن أصلحه لكم بسلوك تربوي حضاري للمرعبين .

يالله بسم الله نبدأ ..

خطأ : عندما يصطدم بك أحد وأنت تمشي .. ثم تطيح كتبك ... ثم تأخذها وتمشي .. وكل منكما يتأسف للآخر ...
الصحيح : تمسكه مع ثيابه ... وتصقعه بالجدار .. وترفسه مع بطنه .. وحبذا تنهيها بركبة وإلا كوع ...ثم ..

تقوله شيل الكتب .. ومرة ثانية فتح عيونك يالوح ..

خطأ : تفتح الإشارة .. ثم الي وراك يعلق البوري يزمّر لك... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...
الصحيح : تنزل له بمفتاح العجل .. أو قطله ... تدق الطاقه عليه ... وأول مايفتحها ... جرّه مع شعره ... واجلده لمن يعرف ان الله حق ...
ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتنطم ..

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره لين يسير وجهو كوكتيل الوان وتطلع ..

ثم ..

قبل لاتطلع تقوله إذاصارت جامعة ابوك اطرد الطلبه ..

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطش بوجهك ... ويضحكون عليك .. فتقول ... هههههه الله يرجك والله لارد لك المقلب ..
الصحيح: تمسكه ... مع رجليه ... وتبطحه بالأرض بطح ... وتجيب علبة ببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه... وحطّها بجيبه ... وقله لاتطلعها من جيبك الا اذا روحنا ...

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس سوي ارتاح ...
وتتركه ... وتلقاه حالق نص شنبك ونص شعرك ... ثم تهوشه هوش ... وتحاسب وتطلع ... وتقول بنفسك والله ما عمري أحلق عنده ...
الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مو قليله ...
ولاتحاسبه ... وحبذا لو ضربته ... (( على حسب الموجودين ... لو ماعنده أحد أضربو )) ..ثم ..

قل بينك وبين نفسك ... ما أحلّق عمري عنده ...

خطأ : تمشي بالحارة .... مثلا رايح للمسجد ... ثم يجي بزر من هالبزروه... ويرمي عليك حجرة .. ثم تلعن الشيطان وتعوذ من إبليس ... وتكمل طريقك.. تقول بزر ماعليه شرهه ...
الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صلي وخلص مشواريك... وبعدين ارجع له .. وتفرّغ له ...
أكيد مو متحمل لين وقت الصلاة الثانية ... وعلى مسؤوليتي حيصيح ...

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..
الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني.

خطأ: ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق رجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : اول شي تروح تدور دريل بالبيت وبعدين تروح وتطلع له ولا تدق الباب ولا الجرس اضرب الباب بلدريل لين يفتح لفتح اهجم عليه وتحط الدريل براسه وتخمس براسه لحد تصيرالفتحات بجنب بعض ...

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟ويقولك والله ماكنت شايف.....
الصحيح : صكه بالصينية ... ولحقه بخشبه والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم وتجلس تتأسف وكأنك مسوي جريمه

الصحيح :المفروض تكتب اقرواء وانتم ساكتين واذا طولت موضوعي وبكيفي والي مو عاجبه لا يقراء

لا تحرمونا من ردودكم حبايبي

تحياتي :الغامضة

شكراً حبيبتي و ما تقصرين